কেপছিকাম চিকেন

#মাংসৰ_ৰেচিপি

#কেপছিকামছিকেন

উপকৰণ:  

মুৰ্গীৰ মাংস- আধা কেজি  (ব্ৰয়লাৰ ছিকেন)

কেপছিকাম - তিনিটা (ডাঙৰ) 

পিঁয়াজ- পাঁচটা (ডাঙৰ )

নহৰু- তিনিটা 

আদা- ডাঙৰ এটুকুৰা 

টমেট চছ

ছয়া চছ

কেঁচা জলকীয়া-   চাৰিটা   

জীৰা গুৰি জালুকৰ গুৰি লালমিৰ্চ পাউদাৰ

ৰিফাইন তেল- ডাঙৰ চামুচেৰে দেৰ চামুচ 

নিমখ চেনি

প্ৰণালী:

মাংস খিনি অলপ ধুই জীৰা জালুকৰ গুৰি লালমিৰ্চ পাউদাৰ আদা নহৰু ৰ পেষ্ট টমেট চছ ছয়া চছ দি মেৰিনেট কৰি দুঘন্টা মান ফ্ৰীজত ৰাখিলো। এতিয়া কেৰাহীত ৰিফাইন তেল গৰম কৰি মাংস খিনি সামান্য নিমখ দি কম জুইত দহ মিনিটমান ভালকৈ ভাজিলো । ডাঙৰ ডাঙৰকৈ টুকুৰা কৰি লোৱা কেপছিকাম আৰু পিঁয়াজ ৰ টুকুৰা মাংসখিনিত দিলোঁ জলকীয়া দুটা ও টুকুৰা কৰি দিলোঁ । পাচলি খিনি সিজিবলৈ লওঁতেই ডাঙৰ চামুচৰে এচামুচকৈ টমেট চছ চয়া চছ দিলো  । অকণমান চেনি আৰু সোৱাদ ৰ জোখাৰে নিমখ দিলোঁ । অকণমান গৰম পানী দি ভালদৰে উতলাত অকণমান জালুকৰ গুৰি আৰু সৰু চামুচেৰে দেৰ চামুচ কুটি লোৱা আদা নহৰু জলকীয়া দি তিনি মিনিটমান বেছি জুইত উতলাই নমাই থলো।    

   প্ৰস্তুতি:  পাপৰি মালা ভূঞা 

                গহপুৰ, বিশ্বনাথ ।